20 Sept 2016

காதல் தருகின்றேன் !


விழியால் நீ பார்த்தால்
பனியாக நான் உருகி
பாய்ந்தோடி வருகின்றேன்...!

மொழிபேசும்  உன் உதட்டில்
வெட்கங்கள் தேடி - நான்
வெகுதூரம் செல்கின்றேன்...!

கொலம்பஸாய் மாறி - உன்
தேகத்தில் மிதந்து - புதிய
தேசங்கள் தேடுகின்றேன்...!

ஆக்டோபஸ் போல - உன்
உடல்மேலே பற்றி - உன்னை
உணவாக்கி தின்கின்றேன்...!

நிலவை நகலெடுத்த - உன்
முக இதழ்களில்
முத்தங்கள் கொய்கின்றேன்...!

உலகை பகல்படுத்தும்
சூரியனின் பேரொளிபோல் - உனை
சுற்றியே ஒளிர்கின்றேன்...!

பறவை சிறகடிக்கும்
காற்றிடையிலும் மெல்லிய
கவிதைபோல் தொடுகின்றேன்...!

இரவை கடைந்தெடுத்த
கனவுகளின் வெளிச்சமாய்
காதல் தந்து செல்கின்றேன்...!

----அனீஷ் ஜெ...
SHARE THIS

5 comments:

  1. முதல் முறையாக பார்கிறேன் இனிமை

    ReplyDelete
  2. Hmm super pa very nice line and beautiful ningalum than Green evening

    ReplyDelete
  3. Bro sema ....Antha last 4lines sema sema

    ReplyDelete