27 Apr 2012

உயிர் பிழைத்திருக்கும் உன் நினைவுகள்...


துடித்து அடங்கிய
என் இதயத்திற்குள்
இன்னும் உன்
நினைவுகளின் சத்தம்...!

எல்லாம் முடிந்துவிட்டதென
முடங்கிப்போய் கிடக்கும் - என்
மூச்சுப்பையினுள் - உன்
சுவாசத்தின் வாசனை...!

பாய்வதை நிறுத்தி
ஓய்ந்துபோய் கிடக்கும்
என் குருதி துளிகளில்
உன் காதலின் அசைவுகள்...!

இமைகளுக்குள் இருண்டுபோன - என்
பார்வை பகுதிகளில் - உன்
முக நிழலின்
முழுமையான தரிசனங்கள்...!

மரணித்துப்போய்விட்ட எனக்குள்
இன்னும் உயிர்பிழைத்திருக்கிறது...!
மரணிக்காத நினைவுகளாய்
உன் காதல்...

----அனீஷ் ஜெ...

SHARE THIS

14 விமர்சனங்கள்: