வானத்தின் வாசற்கதவுகள்
என்னை வரவேற்க
திறந்திருந்தன...!
கடவுள்
கண்ணயராமல்
கடமை செய்துகொண்டிருந்தான்...!
கோடி மின்னல்
கூடியதுபோல் ஒளி...!
ஆக்ஸிஜனோ
அத்தராய் கமகமத்தது...!
எமனை தேடிப்பார்த்தேன்...!
எங்கேயும் காணவில்லை...!!
எங்கேயோ கேட்ட கதை பொய்யானது...!!!
தண்ணீரில் முகம் பார்த்தேன்...!
தங்கத்தில் கால் பதித்தேன்...!!
வான தேவதைகளோ
அழகிகளாய்
அணிவகுத்து நின்றனர்...!!
பூமி எங்கோ நின்று
சுழன்று கொண்டிருந்தது...!
சொர்க்கத்தின் அழகு
உண்மையிலே என்னை
சொக்க வைத்தது...!
வானத்தை விட்டு
வீடு திரும்ப
விருப்பமில்லை...!
திடீரென
ஏதோ ஒரு சத்தம்...!
சொர்க்கத்தின் கோயில் மணியா?
யோசித்துக் கொண்டிருக்கும்போதே
ஐந்துமணி அலாரம்
அலறியடித்துக்கொண்டிருந்தது...!
நான் அலறியடித்து எழுந்தேன்...!
தூக்கத்தைவிட்டு...
----அனீஷ் ஜெ...
