என் பதிலுக்கு காத்திராமல்
நீயே பேசத்தொடங்கினாய்...!
எவரும் இல்லாத நிலவு..!
எதிர்ப்புகளே இல்லாத காதல்..!!
மவுனம் உடைக்கும் பேச்சுக்கள்...!
வெட்கத்தை மறந்த தீண்டல்கள்...!!
ஏதேதோ சொன்னாய் நீ...
உன் மடிமேலே
என் தலைசாய வைத்து
நீ என்
தலைகோதி விடவேண்டும்...!
வெட்கம் சிவக்கும்
உன் கன்னங்களில்
நான் என் உதடுகளால்
கவிதை எழுத வேண்டும்...!!
நானும் என்
ஆசைகளை அடுக்கினேன்...!
வெட்கப் புன்னகை
பூத்தாய் நீ...
நாள் முழுவதும்
உன் அருகில்
நான் வேண்டும்...!
நிலவு உடைந்து
நம் உயிர் பிரியும் வரை
நீயும் நானும்
காதல் செய்ய வேண்டும்...!!
நீயும் உன் ஆசைகளை
என்னிடம் சொல்ல மறக்கவில்லை...!
உன் மடியிலே
என் மரணம் வேண்டுமென
நான் சொல்ல,
அதை நீ ஏற்றுக்கொள்ளாமல்
நான் சொன்னதையே
நீயும் திருப்பிசொல்ல,
காதலுக்கிடையிலும்
நாம் இருவரும்
கண்ணீர்விட்டது அன்றுதான்...!
ஈர முத்தத்தால்
இருவரும் மாற்றிமாற்றி
விழிகளை துடைத்துக்கொள்ள,
உன் எண்ணம் எல்லாம்
இன்னும் நிலவிலே இருந்தது...!
மீண்டும்
உன் ஆசைகளுடன்
கற்பனைகள் கலக்க,
அன்று இரவில்
நம் பேச்சில் முழுவது
நிலாவீடே
நம் வசிப்பிடமானது...!
அந்த நிலவுப்பயணத்தை
அழகாய் நான் கவிதையாக்கி
அன்று எழுதிய வரிகளில் சில
இன்றும் எனக்கு ஞாபகமிருக்கிறது...!
ஒற்றை நிலவை
ஒரே இரவில்
நாம் சுற்றிவந்தோம்..!
இரவு விடிந்ததும்,
நாம் கற்பனையிலே
நிலவில் நாம் ஒரு
வாழ்க்கையை
வாழ்ந்து முடித்திருந்தோம்...!!
அந்த தருணங்களின்
ஒவ்வொரு நொடியும்,
இன்னும் எனக்கு
ஞாபகமிருக்கிறது...!
இப்பொழுதும்
மொட்டைமாடிக்கு மேல்
நிலவு உதிக்கிறது...!
நிலவை சுமந்துகொண்டே
பல இரவுகள் நீள்கிறது...!
நினைவுகளை சுமந்துகொண்டு
இன்னும் நான் மிச்சமிருக்கிறேன்...!
நான்...!!
நிலவு...!!
இரவு...!!!
எல்லாமே இருக்கிறது இங்கு...!
தனியாக...
ஆனால்
இன்னொரு நிலாப்பயணம் போக,
நீ மட்டும் இல்லை...!
என்னிடம்...
அன்புள்ள காதலிக்கு...
உன்னை மனதிலும்,
உயிரிலுமாய் சுமப்பவன்
எழுதும் கடிதம்...!
உன் நினைவுகளை சுமந்து
கனத்துப்போன மனதுடன்
நான் இங்கு நலமில்லை...!
நீயோ அங்கு நலமென
நான் நம்புகிறேன்...!
உனக்காக
கவிதை எழுதியே
பழக்கப்பட்டவன் நான்...!
முதன் முதாலாய்
கடிதம் எழுத
முயற்சிக்கிறேன்...!
கீறல் விழுந்த - என்
இதய கண்ணாடியின்
பிம்பங்களில்,
உன்னையே
ஒட்டி வைத்தவள் நீ..!
எப்போதோ
எனக்குள் நீ
எரியவிட்ட காதல் தீ
இப்போதுதான்
பற்றி எரிகிறது...!
அணைப்பதற்காய்
நான் ஊற்றும்
கண்ணீர் துளிகள் ஏனோ
பலனளிக்கவில்லை...!
உன் முத்தத்தின் ஈரம் பட்ட
என் கன்னத்தில் இன்று
கண்ணீரின் ஈரங்கள்...!
கவலையில்லை உனக்கு...!!
என் இதயத்தை
தனியே பறித்தெடுத்து,
அதன் மேல்
ஆணியை அடித்து,
என்னை நீ
சிலுவையில் அறைவதுபோல்
வலி உணர்கிறேன் நான்...
எந்த மனிதனும்
என்னை இவ்வளவு கொடூரமாய்
காயப்படுத்தியதில்லை...!
உன்னை சுமந்து கொண்டிருக்கும்
என் இதயத்தை
நீ காயப்படுத்தும்போது - அதன்
உள்ளுக்குள் இருக்கும் உனக்கு
கொஞ்சமும் வலிக்கவில்லை என்பது
ஆச்சரியம் தான்...!
கரடுமுரடான வாழ்க்கையில்
கடினமான என் பயணம்...!
நீ தூவும்
காதல் மலர்களின் மேல்
நடப்பது மட்டுமே
எனக்கான ஒரே சந்தோஷம்...!
அந்த சந்தோசத்தையும் - நீ
அபகரித்து சென்றுவிட்டாய்...!
எதுவுமே புரியாமல் - இப்போதும்
குழம்பி தவிக்கிறேன் நான்...!
சிரிக்கும் போது
சேர்ந்தே சிரித்திருக்கிறோம்...!
அழும்போதும் சேர்ந்தே
அழுதிருக்கிறோம்...!
ஆனால் இப்போது
அழவும் முடியாமல்,
சிரிக்கவும் தெரியாமல்
நான் மட்டும் தனியாக...!
என் உயிரோ
மரணிப்பது போல் வலிக்கிறது...!
உனக்கு அது
புரிகிறதா தெரியவில்லை...!
ஏமாற்றம் எனக்கு புதிதல்ல...!
நான் ஏமாளியாய் போனது
என் தவறுமல்ல...!!
என் ஏமாற்றங்கள் தான்
பொய் காதலையும்,
வேஷமிடும் அன்பையும்,
மோசமான
முகமூடி மனிதர்களையும்
எனக்கு
அடையாளம் காட்டிக்கொண்டிருக்கிறது...!
ஒன்றை நீ
இப்போதாவது புரிந்துகொள்...!
என் கண்டிப்புகளும்
என் கோபங்களும்
வெறுப்பை உமிழும்
எந்திரங்களென்று நினைத்துவிடாதே...!
அவை அன்பின்
அடையாளமாக கூட இருக்கலாம்...!
இந்த காகித கடிதத்தில்
ஆங்காங்கே
காய்ந்து போன
கண்ணீர் துளியின் அடையாளங்களை - நீ
காணக்கூடும்...!
உலர்ந்த துளிகளை
காகிதத்தில் துடைக்க முயற்சிக்காதே...!
துடைக்கப்படாத என் கண்கள்
இன்னும் ஈரமாகத்தான் இருக்கிறது...!
ஒரு வேண்டுகோள்...!
உன் வாழ்க்கை புத்தகத்தில்
என் காதல் பக்கங்களை
நீ கிழித்தெறிய நினைத்தால்
கிழித்தெடுத்து விடு...!
ஆனால்
கிழித்தபின் எறிந்துவிடாதே...!
என்னை நீ
முழுவதும் தொலைத்த பின்பு
என்றாவது ஒருநாள்
என்னை நீ தேடினால்
அப்போது உடையும் - உன்
இதயத்தை ஒட்ட வைக்க
அந்த பக்கங்கள் பயன்படலாம்...!
என்னிடம் சொல்வதற்கு வேறெதுமில்லை...!
என்னை நீ வெறுக்க நினைத்தால்
இந்த கடிதத்தோடு,
என் ஞாபகங்களையும் சேர்த்து
குப்பைத்தொட்டியில் போட்டுவிடு...!
இன்னும் உன்னிடம்
காதல் கொஞ்சம் மிச்சமிருந்தால்
கடிதத்தோடு அன்பையும் இணைத்து
பத்திரப்படுத்திக்கொள்...!
தயவுசெய்து
பதில் மட்டும் போட்டுவிடாதே...!
உன்னை விட்டு
முகவரியில்லாத
தொலைவுக்கு சென்ற என்னை,
உன் கடிதம் கூட இனி
கண்டடைய முடியாது...!
இப்படிக்கு...
காற்றை சுவாசிப்பதை விட,
உன்னை நேசிப்பதையே விரும்பும்
நான்...
கவிதை தொகுப்பு, தமிழ் காதல் கவிதைகள், காதல் கடிதம், குட்டி கவிதைகள், தமில் கவிதைகள், நட்பு கவிதைகள், tamil kavithai, kadhal kavithai, kathal kavithai, kavithaigal, kadhal kavithaikal
இத்தளத்தில் உள்ள அனைத்து கவிதைகளும் சரியான முறையில் காப்புரிமை பெற்றவை.
