15 Jun 2016

தனிமையில் நான் !


தனிமையில் நிற்கிறேன் நான்...!

கடந்து செல்வோர் பலர்
காரணம் கேட்டு நகர்கின்றனர்...!

துரோகமெனும் வெயிலும்
ஏமாற்ற மழையும் - என்
உயிர் எரித்து நனைக்கிறது...!

கதறி அழ நினைத்தாலும்
கண்ணீர் துளிகளை
இமைகளுக்கிடையில்
இறுக்கி பதுக்கிக்கொள்கிறேன்...!

காலங்கள் கடந்து சென்றாலும் - என்
கால்கள் கடக்க வழி தெரியவில்லை...!

மனம் கனக்கும் - உன்
நினைவு பொதியுடன்
தனிமையிலே நிற்கிறேன் நான்...!
நீ விட்டுச்சென்ற
அதே இடத்தில்...

----அனீஷ் ஜெ...
SHARE THIS

10 விமர்சனங்கள்: