காதல் வரும் நேரம்

மனமோ இங்கு
மழையில் நனையும்...!
உணர்வுகள் மெல்ல
குடையாய் விரியும்...!!

கால்கள் இரண்டும்
காற்றில் பறக்கும்...!
கைகளில் மெதுவாய்
பொய் சிறகுகள் முளைக்கும்...!!

விழிகள் இரண்டும்
உறக்கம் மறக்கும்...!
கனவில் புதிதாய்
நிறங்கள் பிறக்கும்...!!

உளறும் வார்த்தைகள்
கவிதைகளாகும்...!
மவுனங்கள் கூட
இசைகளாகும்...!!

உயிருக்குள் புதிதாய்
உயிரொன்று சேரும்...!
இதயம் நொடிதோறும்
இறந்து பிறக்கும்...!

எல்லாம் இந்த
காதல் வரும் நேரம்...

-----அனீஷ்...

Continue Reading

உன் காதல் கொடு

உன்னை பார்த்து செல்ல
பகலில் சூரியனும் உதிக்குதே...!
இதயமே...! இரவில் உன்னை
நிலவு வந்து ரசிக்குதே...!!

கண்ணாடி வானமும் -உன்
முன்னாடி உடையுதே...!
பெண்ணே...! உன்னை கண்டு
வெண்மேகம் உருகுதே...!!

உன் கூந்தலில் ஒட்டிக்கொள்ள
கோடி பூக்கள் வேண்டுதே...!
தேவதையே...! தென்றலும் உன்னை
தேடி வந்து தீண்டுதே...!!

உன் பாதம் பட
பாதைகள் தவம் கிடக்குதே...!
அழகே...! உன்னை தேடி இப்போது
அந்த வானவில்லும் நடக்குதே...!!

உன் கைகள் பட்டால்
காகிதப் பூக்கள் கூட
கண் திறக்கும்...!
அன்பே...! உன் காதல் கொடு -என்
இதயம் உனக்காய்
இன்னொருமுறை பிறக்கும்...!!

----அனீஷ்...

Continue Reading

நினைவுகள் போதும்...

மாறிக்கொண்டிருக்கும்
மனித வாழ்க்கை...!
தொலைப்பதற்க்கு எதுவுமில்லாதபோது
தேடுவதற்க்கும் இங்கு வழியில்லை...!!

கடைசிவரை -நான்
காப்பாற்றி வைத்திருந்த -என்
இதயம் அவளிடத்தில்
இப்போது தொலைந்துவிட்டது...

அவளுக்கும் எனக்குமிடையில்
அதிக துரம்...!
ஆனால் இதயங்களோ
அருகருகில்...!!

சுடும் என தெரிந்தும்
சூரியனை பிடிக்க ஆசைப்படுகிறேன்...!
எட்டாது என தெரிந்தும்
எட்டிப் பிடிக்க முயலுகிறேன்...!!

மறுத்துப் போகவும்
மறந்து செல்லவும்
மனதிற்க்கு தெரியவில்லை...!

தவறு என தெரிந்தும்
திருத்திக்கொள்ள மனமில்லை...!
தவறான பாதை என்றாலும்
திரும்பிப்போக விருப்பமில்லை...!!

அவளை பிரியும்போது கூட
அழமாட்டேன் நான்...!
கண்ணீர் துளியாய் அவள்
கரைந்து போய்விடுவாள் என்பதால்...

அவளிடம் தொலைத்த
என் இதயத்தை
அவளிடமே விட்டுப்போகிறேன்...

எனக்கென்று
அவள் இல்லையென்றாலும்
ஆயிரம் ஆண்டுகள்
நான் வாழ்ந்துவிடுவேன்...!
அவளின் இந்த நினைவுகளுடன்....
 

-----அனீஷ்...

Continue Reading

ஹைக்கூ.... நீ...!!!

எந்த மலரும்
இத்தனை நிறமில்லை...!
கோபத்தில் சிவக்கும்
உன் கன்னங்களை விட...

***********************************************************************************

கடற்கரை மணலில்
கவிதைப் புத்தகம்...!
உன் காலடிச் சுவடு....

***********************************************************************************

மழையில் நனைகிறது
வானவில்...!
மழையில்
குடையில்லாமல்
நீ...

-----அனீஷ்...

Continue Reading

என்ன தரப்போகிறாய் நீ எனக்கு...

பூவா -இல்லை நீ
பூகம்பமா...!
நிலவா -இல்லை நீ
நிஜமில்லையா...!!

ஆறடி உயரத்தை
அதற்க்குள்ளே மோகத்தை
அமிலமாய் ஏன் தெளித்தாய்...!

இளமையின் ஈரத்தை
இதயத்தின் ஓரத்தை
இரு விழிகளால் ஏன் அறுத்தாய்...!

ராத்திரி நிலவாய்
ரகசிய கனவில்
ரதியே ஏன் நுழைந்தாய்...!

ஏதோ சொல்லும் பார்வையை
என்னை கொல்லும் காதலை
எனக்குள்ளே ஏன் விதைத்தாய்...!

இறக்குது இதயம் -உன்
இருவிழி பார்வையில்...
பறக்குது மனது -உன்
பார்வையின் சிறகினில்...

மறுப்பதில் நியாயமில்லை
மனதை எனக்கு தந்துவிடு...!
மனதை நீ தரமறுத்தால்
மரணத்தையாவது எனக்கு கொடு...!!

 
-----அனீஷ்...

Continue Reading

நீ...

கோடி நிலா
கூடி வந்ததுபோல்
உன் முகம்...
பவுர்ணமி நிலா கூட
பார்ப்பதற்கு இவ்வளவு அழகில்லை...!

வெள்ளை நதியில்
துள்ளி விளையாடும் -இரு
புள்ளி மீன்களாய்
உன் கண்கள்...

பிரம்மன் என்னை விட
பிரமாதமாய் கவிதை எழுதுகிறார்...!
கவிதையாய் உன் இரு
கன்னங்கள்...

இருவரி கவிதையாய் -உன்
இரு இதழ்கள்...!
அது உதிர்க்கும் வார்த்தைகளோ -என்
அடிநெஞ்சில் இசையாய்...

இருட்டை விழுங்கும்
இரவு நேர நட்சத்திரங்கள்...!
உன் கூந்தலிலிருந்து
உதிரும் பூக்கள்...

உன் கை பட்ட
உன் பேனாவின்
கிறுக்கல்கள் கூட
கவிதைகளாகும்....

கடற்கரை மணலில் -உன்
கால்கள் பதித்த சுவடுகளை -அந்த
கடல் அலையும் ஒருவேளை
காதலிக்கும்...

அழகு என்பது வெறும்
சொல் மட்டும் இல்லை...!
நீ இல்லை என்றால்
அழகென்ற சொல்லே இல்லை...!!


-----அனீஷ்...

Continue Reading

எதிரில் நீ...

ஆயிரம் சிறகுகள் முளைத்து
ஆகாயத்தில் பறக்கிறேன் நான்...!


சுவாசிக்கும் காற்றிலோ
சூரியனின் வெப்பம்...!


இதயமோ துடிப்பதாய் நடித்து
இடைவெளியில்லாமல் வெடிக்கிறது...!


மனதின் வார்த்தைகளோ
மவுனங்கள் பட்டு உடைகிறது...!


எனக்கே தெரியாமல்
ஏதேதோ ஆகிறது எனக்கு...!


என் எதிரில்
நீ வரும்போது...


-----அனீஷ்...

Continue Reading

நீயும்... உன் நினைவுகளும்...

சுவாசிக்கும் காற்றிலும்
சுவடுகளில்லாமல்
சுற்றி வருகிறாய் நீ...!

ஊமையான என் இதயத்தை
உன் பெயர் சொல்லி
உரக்க கத்தவைக்கிறாய் நீ...!

பேசும் வார்த்தைகளில்
பாதி வார்த்தைகளுக்கு
பதிலகிறாய் நீ...!

ராத்திரி கனவுகளில்
ரகசியமாய் புகுந்து
ரகசியம் பேசுகிறாய் நீ...!

காற்றில்லாமல் ஒருவேளை
வாழ்ந்துவிடுவேன் நான்...!
ஆனால் மரித்துப்போய்விடுவேன்... !!
நீயும்
உன் நினைவுகளும்
இல்லாமல் போனால்....


------அனீஷ்...

Continue Reading

கொஞ்சம் கொஞ்சமாய்...

கொஞ்சம் கொஞ்சமாய்
உனக்குள் சரிந்தேன்...!
நீ பேசும் கணங்களில்...
மெல்ல மெல்லமாய்
உயிர் போகாமல் மரித்தேன்...!!
நீ சிரிக்கும் தருணங்களில்...

தட்டுத்தடுமாறி
விழுந்தேன் எழுந்தேன்...!
உன் கன்னக்குழியில்...
தொட்டு சூடேறி
புதைந்தேன் தொலைந்தேன்...!!
உன் நெஞ்சுக்குழியில்...

பனித்துளியாக உருகி
விண்வெளியோடு பறந்தேன்...!
தூரத்தில் நீ என்னை பார்க்கும்போது...
புல்வெளிமேலே பூக்கும்
மழைத்துளியாகிப் போனேன்...!!
தூக்கத்தில் உன் கனவுகள் என்னை தாக்கும்போது...

என் செல்கள் எல்லாம்
சில்லாக உடையும்...!
நீ இல்லை என்றால்...
சொல்லாத ஆசைகள்
மெல்லமாய் கைகூடும்...!!
நீ என் அருகில் நின்றால்...


-----அனீஷ்...

Continue Reading

எனக்கும்... உனக்கும்...

ஒற்றை புள்ளி நிலவை
மொட்டை மாடியிலிருந்து ரசிப்பது
எனக்கு பிடிக்கும்...!
உனக்கும் அது பிடிக்கும் என்பதால்...

அரைகுறையாய் தெரியும் -அந்த
பிறை நிலவில் பாதியை
எனக்கு பிடிக்காது...!
உனக்கு அது பிடிக்காது என்பதால்...

கொட்டும் நல்ல மழையில்
பட்டும் படாமல் நனைவது
எனக்கு பிடிக்கும்...!
உனக்கும் அது பிடிக்கும் என்பதால்...

கண்ணிமைக்கும் நொடியில் வரும்
மின்னல் ஒளி
எனக்கு பிடிக்காது...!
உனக்கு அது பிடிக்காது என்பதால்...

காற்றோடு மோதி
காதல் செய்யும் பூக்களை
எனக்கு பிடிக்கும்...!
உனக்கும் அது பிடிக்கும் என்பதால்...

அழகான பூக்களுக்கிடையில்
அசிங்கமான முட்களை
எனக்கு பிடிக்காது...!
உனக்கு அது பிடிக்காது என்பதால்...

சுகமாய் காதுகளை வருடும்
சுப்ரவாதம்
எனக்கு பிடிக்கும்...!
உனக்கும் அது பிடிக்கும் என்பதால்...

புரியாத வார்த்தைகள் கொண்ட
புதுப்பட பாடலொன்று
எனக்கு பிடிக்காது...!
உனக்கு அது பிடிக்காது என்பதால்...

உனக்கு பிடித்தவைகளெல்லாம்
எனக்கும் பிடிக்கும்...!
உனக்கு பிடிக்காதவைகளை
எனக்கும் பிடிப்பதில்லை...!!

இப்போது தெரிகிறதா...?
என்னை ஏன்
எனக்கே பிடிக்கவில்லை என்று...


-----அனீஷ்...

Continue Reading