3 Jun 2012

நீ வர வேண்டும்...


என் தெருவோரம்
எப்போதாவது
வருகிறாய் நீ...!

மழை வரும் நாட்களில்
மண்ணில் முளைக்கும்
காளான்கள் போல,
நீ வரும் நாட்களில்
என்னில் முளைக்கிறது
ஏதோ புதுவித உணர்வு...!

நீ வரும் வழியில் காத்திருந்து,
என் விழியெனும் ஜன்னலை திறந்து
காண்கிறேன் நான் உன்னை....

நீ பார்வை கோலமிட்ட
என் மன வாசலில்,
புள்ளிகள் கூட இப்போது
பூ பூத்து கிடக்கின்றன....!

ஒவ்வொரு முறையும்
ஓரப்பார்வை வீசி - நீ
என்னை தாண்டி செல்லும்போதும்,
இழுத்து மூடியிருந்த - என்
இதயக்கதவை திறந்துவிடுகிறேன்...!
என் இதயத்திற்குள்
நிரந்தரமாய் குடியேற
நீ வர வேண்டும் என...

----அனீஷ் ஜெ...
SHARE THIS

14 விமர்சனங்கள்: