வெகுநேரமாய்
அதே சாலையோரம்
நின்றுகொண்டிருக்கிறேன்...!
சிறிதாய் படபடக்கிறது கைகள்...!
சிகரெட்டொன்றை
பற்றவைக்கவேண்டும் போலிருக்கிறது...!
நெற்றியின் வெற்றிடத்தை
இருகை விரல்களும்
இறுக தடவிக்கொண்டிருக்கிறது...!
தலையை கோதியபடியே
தனியே பேச முயற்சிக்கிறேன்...!
இன்றிரவு தூக்கம் வரப்போவதில்லை...!
இன்னும் இரண்டு நாட்களுக்கு நான்
இயல்பாய் இருக்க போவதில்லை...!!
இன்றோடு போகட்டும்
இன்னொரு நாள்
என் கண்ணில்பட்டுவிடாதே...!
ஏனென்றால்
என்றோ நீ என்னை
மறந்து தொலைதிருக்கலாம்...!
நான் உன்னை
தொலைக்க மறந்துவிட்டேன்...!!
----அனீஷ் ஜெ...
Send Your Comments on Whatsapp. Click Here
0 விமர்சனங்கள்: