7 Jan 2012

மெளனம் (என் முதல் “காதல்” கவிதை)


இறுகிக்கிடந்த - என்
இதயத்தை
இதழ்களின் புன்னகையால்
ஈரமாக்கியவளே...

சுற்ற வைக்கும் - உன்
புருவ நெருப்பில்
என்னை நீ
பற்ற வைத்தாய்...!

என் கற்பனை கருவறையில்
கவிதைக்கரு வளர்த்தாய்...!

என் இதயக்கருவூலத்தில்
சேமித்து வைக்கிறேன்...!
உன் புன்னகையை...

மனதை பறித்துவிட்டு
மெளனத்தை மட்டும்
எனக்கு பரிசளிக்கிறாய்...!

உனக்குள் நானும்,
எனக்குள் நீயும் இருக்க
நமக்குள் ஏன் இந்த விளையாட்டு...?

என்னைக் கொல்லும்
உன் மெளனங்களுக்கு
இனியாவது விடைகொடு...!

அழியாத காதலுக்கு - நாம்
அடுத்த அத்தியாயம் எழுதுவோம்...!

----அனீஷ் ஜெ...

SHARE THIS

14 விமர்சனங்கள்: