நனைந்த பின்னும்
பற்றி எரிகிறது...!
நீ எச்சிலால் நனைத்த
என் கன்னங்கள்...
----அனீஷ் ஜெ...
கன்னங்கள் !
நனைந்த பின்னும்
பற்றி எரிகிறது...!
நீ எச்சிலால் நனைத்த
என் கன்னங்கள்...
----அனீஷ் ஜெ...
31 May 2015
நனைந்த பின்னும்
பற்றி எரிகிறது...!
நீ எச்சிலால் நனைத்த
என் கன்னங்கள்...
----அனீஷ் ஜெ...
17 Apr 2015
சரியான விடை !
முறைத்துப் பார்த்தபடி - எனக்கு
விடைதெரியாத
ஏதேதோ கேள்விகள் கேட்கிறாள் அவள்...!
இறுக்கி அணைத்தபடி
இரு கைகளால் - அவள்
இடைதேடினேன் நான்...!
இமை மூடியபடி முனகினாள்...!
இதுதான் சரியான விடையென்று...
----அனீஷ் ஜெ...
10 Apr 2015
கவிதை எழுதுவது எப்படி?
கவிதை எழுத தெரியாதென்கிறாய்...!
அப்படியென்றால்
உன் கன்னத்தில் விழும் குழிகளுக்கு
என்ன பெயர்...?
***********************************************************************************
கவிதை எழுதுவது எப்படியெனக்கேட்டு
கவலைகொள்கிறாய் நீ...!
நீ பேசும் வார்த்தைகளை
ஒரு காகிதத்தில் சேகரித்துவை...!
கவிதை எழுத தெரியாதென்கிற - உன்
கவலையும் நீங்கட்டும்...!
----அனீஷ் ஜெ...
31 Mar 2015
அச்சமில்லை !
என் இருமலின்
இரைச்சல்களுக்கிடையில்
நடு இரவின்
நிசப்தங்களின் சத்தங்கள்...!
சட்டென விட்டுச்சென்ற தூக்கத்தினால்
கட்டிலின்மேல் விழித்துக்கொள்கிறேன்...!
முதுமையும் தனிமையும் - என்
முதுகை இழுத்து
நகரமுடியாமல் செய்கிறது...!
இதயத்தில் வழியே
மெதுவாய் வலியொன்று பரவுகிறது...!
இதயத்துடிப்புகளின்
இடைவெளி குறைய,
மூச்சுக்கும் மூச்சுக்குமிடையே
மிகப்பெரியதோர் இடைவெளி...!
என் கட்டளைகளுக்கு
கட்டுப்படாமல்
இமைகளோ
இறுக மூடிக்கொள்ள முயல்கிறது...!
மரணத்தின் கதவுகள்
திறப்பதுபோல உணர்வு...!
விரைவிலே நான்
மண்ணாடு மண்ணாகிவிடலாம்...!
ஆனாலும் எனக்கு அச்சமில்லை...!
எழுபது ஆண்டுகள்
வழ்ந்து முடித்துவிட்ட நான்,
இந்த மரணத்தின் நொடிக்காகதான்
இரண்டாண்டுகளாய் காத்திருக்கிறேன்...!
என்னை விட்டு
விண்ணில் சென்ற,
அவளோடு
அடுத்த ஜென்மத்திலும் வாழ...
----அனீஷ் ஜெ...
27 Feb 2015
எழுத்துப்பிழை !
உனக்காக
உருகி உருகி
காதல் கவிதைகளை
எழுதுகிறேன் நான்...!
வாசிக்கும் உனக்கோ
கவிதைகளில்
என் காதலை விட,
எழுத்துப்பிழைகளே
கண்ணில் தெரிகிறது !
----அனீஷ் ஜெ...
30 Jan 2015
சாலை !
அந்தச் சாலையில்
தலை நிமிர்த்திக்கொண்டு
என்னை கடந்து போனவர்களின்
எந்த முகமும்
எனக்கு தெரியவில்லை...!
தலை குனிந்தவாறே
என்னை கடந்து சென்ற
அவளின் முகம் தவிர...
----அனீஷ் ஜெ...
2 Jan 2015
நானும்... மனதும்...
அவளை மறக்க சொல்கிறேன் நான்...!
முடியாதென்கிறது என் மனது...!!
எனக்கும்
என் மனதிற்குமான போட்டியில்,
சில சமயம்
நான் தோற்றுவிடுகிறேன்...!
பல சமயங்களில்
என் மனது ஜெயித்துவிடுகிறது...!!
----அனீஷ் ஜெ...
10 Dec 2014
வரவு செலவு !
வரவாக வந்தது
ஆக மொத்தம் ஆறு...!
செலவு செய்தது
எண்ணிக்கையில் எட்டு...!!
எப்படி கூட்டிக் கழித்தாலும்
தினம் தினம்
வரவை விட செலவே
அதிகமாகிறது...!
அவளுக்கும் எனக்குமான
முத்தக்கணக்கில்...
----அனீஷ் ஜெ
25 Nov 2014
இரவல் !
திருப்பித் தந்துவிட்டாய்...!
இரவலாகவா வாங்கிச்சென்றாய்...?
நீ என் இதயத்தை...
---- அனீஷ் ஜெ...
20 Nov 2014
அவள் என் தேவதை !
பால் வண்ணமோ,
பசும்பொன்னின் நிறமோ
துளிகூட இல்லை
அவளிடத்தில்...!
சந்திரனின் ஒளியோ,
சூரியனின் விழியோ
இல்லை அவள் முகத்தில்...!
கட்டி இழுக்கும் காந்தமோ,
சுண்டி இழுக்கும் பார்வையோ
சிறிதும் இல்லை அவள் கண்களில்...!
மொட்டு விரிந்ததுபோல்
சட்டென வீழ்த்தும்
இதழ்களும் இல்லை...!
பஞ்சு கன்னங்களோ,
கொஞ்சும் குரலும்
கொஞ்சம் கூட
இல்லவே இல்லை அவளிடம்...!
சல்லடையில்
சலித்தெடுத்ததுபோல
மெல்லிடையுமில்லை அவளுக்கு...!
ஆனாலும் மனமோ
அவள் மட்டுமே
வேண்டும் என்கிறது...!
ஏனென்றால்,
அவள் என் தேவதை...
----அனீஷ் ஜெ...
