5 Dec 2011

உன்னை சந்தித்த பொழுதில்...


எத்தனையோ நாளுக்குப்பின்,
எதிர்பாராத விதமாய்
நான் உன்னை இன்று
கடைத்தெருவில் சந்தித்தேன்...!

திடீரென பார்த்தாலென்னவோ
அடிநெஞ்சில் எனக்கு
அதிர்ச்சியின் அலைகள்...!
உனக்கும்தான்...

என் முகத்தையே பார்த்து நின்ற
உன் முகம் கண்டதும்
நான் முகம் திருப்பினேன்...!

உன் பார்வையில்
என்மேல் ஏதோ
பரிதாபம் தெரிந்தது...!

உனக்கு எதிர்திசையில்
வேகமாய் விலகி நடந்தேன்...!

பாதி தூரம் சென்றபின் - என்
பாதி மனது சொன்னது
உனது அருகில் வந்து
நலம் விசாரித்திருக்கலாம் என்று...

ஆனாலும் ஏதோ ஒன்று தடுக்க
அப்படியே வெகுதூரம் நடந்து
உன்னை விட்டு மறைந்தேன்...!

உன்னிடம் நான் ஓடி வந்து
நலமா என கேட்பேன் என
நீ எதிர்பார்த்திருக்கலாம்...!

ஆனால்...
உன்னருகில் நான் வந்து
நலமா என கேட்டால்,
நீ யாருக்கோ பயந்து
நீ யார் என திருப்பி கேட்டால்,
உன்னிடமும்,
உன்னருகில் நிற்கும்
உன் கணவனிடமும்,
நான் எப்படி சொல்வது?

என்றோ ஒரு நாள் - நீ
ஏமாற்றிவிட்டு சென்ற - உன்
முன்னாள் காதலன்தான்
நான் என்று...

----அனீஷ் ஜெ...
SHARE THIS

22 விமர்சனங்கள்: